Ungakhononda kanjani ngabasakazi bomsakazo womoya nabethelevishini

[Image]

I - IBA

I-Independent Broadcasting Authority (IBA) ngumgwamanda obekwe yiPhalamendengaphansi komthetho we-153 ka-1993, obhekene nokuqondisa bonke abasakazibomsakazo womoya nabethelevishini eNingizimu Afrika.

Umgomo we-IBA ngukuphakamisa ukwakhiwa kwengxenye yokusakaza yezwe lonke
futhi efinyelelekayo, elungile futhi esabela izidingo zomphakathi
waseNingizimu Afrika ngokwehlukana kwawo.

I-Broadcasting Monitoring Complaints Committee (BMCC) yikomidi elimiyo
elisungulwe yi-IBA ukuqhuba iNdlela yokuZiphatha (Code of Conduct)
yabasakazi.

Indlela YokuZiphatha

Indlela yokuZiphatha (Code of Conduct) ithi abasakazi abana kusakaza noma
yiziphi izinhlelo ezenza okungamahloni, ezinenhlamba noma ezinokwethuka
enkolweni noma emithethweni yokulunga yanoma iyiphi ingxenye yomphakathi
waseNingizimu Afrika.Lendlela Idinga abasakazi ukuba balethe ukwethulwa
kwezindaba okulingene futhi okungakhethi. Abasakazi kumele bavumele
amaqembu ahlatshwayo ezinhlelweni zabo ilungelo lokuphendula lokho kusolwa.
Baphoqelekile ukusakaza imibono ehlukehlukene izindabeni ezibalulekile
emphakathini ezinokuphikisana.

Ibmcc yemukela futhi ithathe izinqumo ngezikhalo zomphakathi ngezinhlelo
zomsakazo womoya nezethelevishini ngokwale Ndlela yokuZiphatha:

Uma ukholwa ukuthi umsakazi unecala lokungaziphathi kahle ungafaka isikhalo
kuMonitoring and Complaints Department ye-IBA ngokubhala incwadi noma
ngocingo esikhathini esiyizinsuku ezi-30 ngemuva kokusakazwa kwalelohlelo.

I-Monitoring and Complaints Department izokwazisa ukuthi isikhalo siwela
ngaphakathi kwamandla eBMCC yini noma omunye umgwamanda ozimele owemukelwa
yi-Independant Broadcasting Authority. (Ukuthola imininingwane enezezelayo
bheka ikhasi le-2).

Uma isikhalo sakho siphathelene neNdlela yokuZiphatha yabasakazi noma
noMthetho we-IBA, i-Monitoring and Complaints Department iyothumela ikhophilesikhalo sakho kumsakazi othintekayo.

Umsakazi uzodingeka ukuba aphendule isikhalo sakho ngokubhala incwadi.

Ungakhala kuMgcinisihlalo weBMCC uma ukholwa ukuthi impendulo yomsakazi
ayenelisi. I-Monitoring and Complaints Department ingazinqumela ngokwayo
ukuba idlulisele isikhalo sakho kuMgcinisihlalo weBMCC.

UMgcinisihlalo we-BMCC uyothatha isinqumo sokugcina ekuthini isikhalo sakho
siyokwethulwa yini emhlanganweni osemthethweni weBMCC. Uyokwaziswa ngalesi
sinqumo ngencwadi.

Emhlanganweni uyoba nelungelo lokwethula isikhalo sakho kuBMCC. Uma ngabe
awukwazi ukuba khona emhlanganweni, izincwadi eziphathelene nesikhalo sakho
ziyokwethulwa kuBMCC. IBMCC izophinda ibuke lokho okusakaziwe okhale
ngakho. lzophinde ilalele impendulo yomsakazi yesikhalo sakho. Umhlangano
uyovulelwa umphakathi.

Emva komhlangano iBMCC iyothatha isinqumo. Uma kuvunyelwane nesikhalo sakho
iBMCC iyokwenza izi phakamiso eMkhandlwini we-IBA ezinyathelweni
ezizothathwa ngomsakazi. Uyokwaziswa ngencwadi ngomphumela wesinqumo
soMkhandlu.

UMA UFISA UKUKHONONDA, UYACELWA UKUBA UTHINTE I-:

I. B. A.
Monitoring and Complaints Department
Private Bag X31
PARKLANDS
2121

Ucingo: (011) 447-6180
Ifax: (011) 447-5558
Inombolo engakhokhelwa:
080-1133-667

EZINYE IZINHLANGANO

I-National Association of Broadcasters -(NAB) ibeke I-Broadcasting
Complaints Commission of South Africa (BCCSA) ukuba yemukele futhi inqume
ngezikhalo ngamalunga ayo. IBCCSA iqinisekisa ukuba laba basakazi
banamathela endleleni yayo yokuziphatha futhi yemukela futhi inqume
ngezikhalo zalaba basakazi:

iRadio 702
iRadio Winterveldt
iVoice of Soweto
iSABC-TV
iCani Radio
iFree to-Air
iSABC Radio
iTransworld Radio
iRadio West
iM-Net
iRadio Pulpit
iRadio Tuks
iRadio Egoli

Uma ufisa ukukhononda ngabasakazi abangenhla, uyacelwa ukuba uthinte:

The Registrar
Broadcasting Complaints Commission of South Africa
P O Box 47221
PARKLANDS
2121

Ucingo: (011) 788-7910
Ifax: (011) 788-7933

I-Advertising Standards Authority of South Africa - ASA - ngumgwanda
ozimele obekwe futhi okhokhelwa yibhizinisi lezaziso ukuqinisekisa ukuthi
uhlelo lwawo lokuzilungisa lusebenzela izidingo zomphakathi. Amalungu
e-ASA. alindeleke ukuba alandele Indlela ye-ASA.

Uma ufuna ukukhononda ngesaziso esisakazwe kuthelevishini noma umsakazo
womoya uyacelwa ukuba uthinte i-:

Advertising Standards Authority of South Africa
P O Box 41555
CRAIGHALL
2024

Ifax: (011) 880-5547

[Image]
